Shart

Kya Shart-e-Mohabbat Hai, Kya Shart-e-Zamana Hai
Aawaz Bhi Zakhmi Hai Aur Woh Geet Bhi Gaana Hai

By a good friend last island: http://kitab-e-zindagi.blogspot.com/search/label/Imagery

Sargoshi

Us nay meray seenay per sar
Rakh ker poocha
Janan ! apnay jeewan ka woh
Lamha to batao mujh ko
Jis kay badlay mil saktay hon sabhi sitaray
Dariyaon kay saray moti
Sawan ki pehli barish kay saray qatray
Ujlay chand ki sari kirnain
Dharti kay seenay say lipay sabhi khazanay
Saray mausan, sabhi dua’ain
Phoolon ki rangeen qaba’ain
Patti patti pernay wali bheegi shabnam
Main nay kaha Ism-e-Azam
Us nay meray seenay per sar rakh ker poocha
Janan ! apnay jeewan ka wo lamha to batao mujh ko
Jis kay badlay sab kuch apna, sab kuch, day saktay ho
Main nay us ka maatha chooma aur bola
"Jab pehli baar meray seenay per tum nay apna sir rakha tha"


By a good friend last island. to read more visit http://kitab-e-zindagi.blogspot.com/